محترم حضرت حکیم صاحب السلام علیکم! میرے پاس ایک لیکوریا کیلئے بہت ہی زبردست نسخہ ہے‘ نسخہ کیا شفاء کی پڑیا ہے۔ جن بہنوں کو لیکوریا بہت زیادہ ہو‘ نماز کیلئے کپڑے مشکل سے پاک رہتے ہوں‘ جو علاج کروا کروا کر تھک چکی ہوں‘ ان کیلئے آب حیات سے کم نہیں‘ جن کا جسم ہروقت درد کرتا ہو‘ لیکوریا کی وجہ سےکمر سے بیٹھا نہ جاتا ہے۔ ان بہنوں کیلئے بہت ہی کم قیمت اور آب زر سے لکھنے کے قابل ہے۔ مجھے خود اس قدر تھا کہ ہروقت کپڑے ناپاک رہتے تھے‘ پھر میری بہن نے مجھے کراچی سے فون کیا تو انہوں نے مجھے فون پر یہ نسخہ بتایا۔ پہلی ہی خوراک سے بہت فائدہ ہوا‘ اس سے پہلے میں ہزاروں روپے لیڈی ڈاکٹرز کی دواؤں پر لٹا چکی تھی لیکن اب میں بہت مطمئن ہوں۔ نسخہ درج ذیل ہے:۔ ’’دو چمچ اسپغول کا چھلکا لے کرایک پاؤ دودھ میں پکائیں اور نہار منہ نوش فرمائیں۔‘‘ دعاؤں میں یاد رکھئے۔     (ایک بہن)